Conësceste tüa patria Tirol?
Conësceste tüa patria Tirol?
En referimënt ala poesia y ciantia popolara conesciüda de Sebastian Rieger „Tirol isch lei oans…“ inviëia l‘assoziaziun di Scizeri de Tirol düc i interessá ala partezipaziun al jüch nü t’internet „Conësceste tüa patria Tirol?“. Le quiz, ti cater lingac dl raiun, pîta la poscibilité, da mëte ala proa le propri savëi sön la regiun dl’Europa Tirol.
Le jüch é gnü metü a jí dl’assoziaziun di scizeri tl Tirol. L’intenziun é chëra, da incorajé i partezipanc, da se dé jö deplü cun la storia, la cultura y la natöra dl Tirol.
Le quiz porta i partezipanc fora por les valades desvalíes dla regiun y i sfida con domandes tl ciamp dla natöra, cultura, di posć, dles porsones, di fabricac, avenimënc y dla sozieté. Indöt aspeta 36 domandes (por gherdëna y badiot), cun da iade a iade trëi poscibilités de resposta.
Le jüch se adressëia a dütes les fasces d’eté y ales scores.
18 poscibilités de pesć straordinars
Al é indöt 18 pesć straordinars cun na valüta sura i 8.000 Euro. Düc – anfat sce porsona singula o classes de scora – á la poscibilité, da rové pro en pest atrativ, sce les conescënzes de nosta patria Tirol é assá. I pesć vëgn trac fora te vigni categoria y sön la basa dles domandes respognüdes coretamënter.
Fá para y davagna!
Anüza tüa poscibilité cina ai 26 de jená 2025
Le jüch a pesć mët man ai 14 d’otober 2024 y se röia ai 26 de jená 2025. Danter düc i quiz scric fora deplëgn cun almanco 22 domandes respognüdes dërtes, gnarál trat fora i davagnadús.